నందమూరి బాలకృష్ణ, క్రిష్ కాంబినేషన్‌లో రూపొందుతున్న 100వ చిత్రం ''గౌతమీపుత్ర శాతకర్ణి''. ఈ చిత్రంలో బాలయ్య సరసన త్రిష హీరోయిన్‌గా నటించబోతుంది. క్రిష్ తెరకెక్కించనున్న ఈ చారిత్రక సినిమాలో నటీనటులతో పాటు, సాంకేతికంగానూ ఈ సినిమాని వైవిధ్యభరితంగా చూపేందుకు దర్శకుడు ఎన్నో జాగ్రత్తలు తీసుకుంటున్నారట. దర్శకుడు క్రిష్ బాలకృష్ణలు ఈ చిత్రాన్ని తెలుగుతో పాటు హిందీలో కూడా విడుదల చేయాలని భావిస్తున్నారట.
ఈ చిత్రంలో నటీనటులను చాలావరకు బాలీవుడ్ వాళ్ళని తీసుకుంటున్నట్టు విశ్వసనీయవర్గాల సమాచారం. ప్రస్తుతం క్రిష్ ప్రీ ప్రొడక్షన్ పనులలో బిజీగా ఉన్నారు. మరోవైపు సంగీత దర్శకుడు దేవీ శ్రీ ప్రసాద్ బాణీలు సమకూర్చడంలో ముమ్మరంగా ఉన్నారు. తాజా సమాచారం ప్రకారం ఈ చిత్రాన్ని సంక్రాంతి సందర్భంగా 2017, జనవరి 12న రిలీజ్ చేయడానికి దర్శకనిర్మాతలు సన్నాహాలు చేస్తున్నారు.
