శ్రియ.. ఒకపుడు టాలీవుడ్ చిత్ర పరిశ్రమలో వెలుగొందిన హీరోయిన్. కుర్ర హీరోలతో నటిస్తూనే మెగాస్టార్ వంటి అగ్ర హీరోలతో కలిసి చిందేసింది. ప్రస్తుతం ఈమె వయసు 35 యేళ్లు. చిత్ర పరిశ్రమలో ఈమె సర్వీసు 16 యేళ్లు. ప్రస్తుతం ఈ భామకు సినీ అవకాశాలు కరువయ్యాయి. కానీ, ఇతర అవకాశాలు మాత్రం కుప్పలుతెప్పలుగా ఉన్నాయి. అందుకే సినిమాల కంటే... ఇతర మార్గాల్లోనే రెండు చేతులా సంపాదిస్తోంది.
35 యేళ్ళ వయసులో కూడా వన్నెతరగని సొగసుతో కుర్రకారును మెస్మరైజ్ చేస్తున్న ఈ సుందరాంగి.. అడపా దడపా సినిమాల్లో కనిపిస్తోంది. కానీ, బయట ఈవెంట్లలో మాత్రం ఎక్కడపడితే అక్కడ దర్శనమిస్తోంది. ఈ ఈవెంట్ల ద్వారా ఏడాదికి కనీసం రూ.రెండు మూడు కోట్లు సంపాదిస్తోందట! ఏ సినిమా ఈవెంట్ అయినా, అవార్డు ఫంక్షన్ అయినా శ్రియా డ్యాన్స్ తప్పనిసరిగా ఉంటుంది.