ప్రస్తుతం అలియా భట్, రణబీర్ కపూర్‌‌ల కొత్త మూవీ “బ్రహ్మాస్త్ర” షూటింగ్ కోసం మనాలికి వెళ్లిన అమితాబ్, తన బ్లాగ్‌లో… 'శరీరం విశ్రాంతి కోరుకుంటుందని, ఇన్నాళ్ల పాటు గడిపిన సినీ వాతావరణంకాకుండా.. మరొక కొత్త వాతావరణాన్ని మనసు కోరుకుంటుందని' అని తెలిపారు.
పదవీ విరమణ చేయాల్సిన సమయమిదని అన్నారు. తల ఒకటి ఆలోచిస్తుంటే.. వేళ్లు మరొకటి ఆలోచిస్తున్నాయని అన్నారు. ఐదు దశాబ్దాల సినీ ప్రస్థానంలో వందలకొద్దీ సినిమాల్లో వైవిధ్యమైన పాత్రలు పోషించారు అమితాబ్. తన నట ప్రస్థానంలో నాలుగు జాతీయ అవార్డులు అందుకున్నారు. దాంతో పాటు మరెన్నో జాతీయ, అంతర్జాతీయ పురస్కారాలు అందుకున్నారు.
