ఇక ఆ సినిమా తర్వాత రెండో సినిమా క‌ళ్యాణ్‌దేవ్ హీరోగా సూప‌ర్ మ‌చ్చి విడుద‌లైంది. ఈ సినిమా ఎప్పుడు మొద‌లైందో ఎప్పుడు విడుద‌లైందో కూడా తెలీకుండా జ‌రిగింది. విడుద‌ల‌కు క‌రోనా వల్ల బ్రేక్ ప‌డుతుంద‌ని అనుకున్నారు. కానీ నిర్మాత‌లు ఒత్తిడిమేర‌కు సంక్రాంతికి పెద్ద సినిమాలు లేక‌పోవ‌డంతో విడుద‌ల చేశారు. క‌నీసం చిత్ర ప్ర‌మోష‌న్ కూడా నిర్మాత‌లు ముందుకు రాలేదు. దానికి కార‌ణం మెగాస్టార్ చిరంజీవి ప‌ట్టించుకోక‌పోవ‌డ‌మే.
దీనికి కార‌ణం గ‌త కొంత‌కాలంగా క‌ళ్యాణ్‌దేవ్ ప్ర‌వ‌ర్త‌న‌లో మార్పులు రావ‌డంతో శ్రీ‌జ కూడా దూరంగా పెట్టింద‌ని తెలుస్తోంది. శ్రీ‌జ కాస్ట్యూమ్ డిజైన‌ర్‌గా కొణిదెల ప్రొడక్ష‌న్ సినిమాలకు వ్య‌వ‌హ‌రిస్తోంది. అంతేకాకుండా వెబ్ సిరీస్ కూడా నిర్మాత‌గా వ్య‌వ‌హ‌రిస్తోంది. కానీ ఎక్క‌డా క‌ళ్యాణ్‌దేవ్ ప్ర‌స్తావ‌న రాలేదు. ఆయ‌న్ను సినిమాలో ఏదైనా వేషం కూడా వేయించవ‌చ్చు. కానీ క‌ళ్యాణ్‌దేవ్ చెప్పింది విన‌డ‌నీ, త‌ను వ్య‌క్తిగ‌త స్వేచ్ఛ‌కు అల‌వాటు ప‌డ్డాడ‌నే టాక్ ఇండ‌స్ట్రీలో నెల‌కొంది. దీనితో గ‌త కొంత‌కాలంగా ఆయ‌న్ను దూరం పెట్టార‌ని తెలిసింది. ఇక నిన్న‌నే శ్రీ‌జ కొణిదెల అంటూ ఆమె సోష‌ల్ మీడియాలో పోస్ట్ పెట్ట‌డంతో ఇది మ‌రింత ప్ర‌చారం జ‌రిగింది.
