యంగ్ రెబల్ స్టార్ ప్రభాస్ ఫ్యాన్స్‌కు బ్యాడ్ న్యూస్. "కల్కి 2898 ఏడీ" కోసం ఫ్యాన్స్ ఉత్కంఠతో ఎదురుచూస్తున్నారు. ఈ సినిమా జనవరిలో వస్తుందని అందరూ అనుకున్నారు. కానీ మరోసారి ఈ సినిమా వాయిదా పడినట్లు తెలుస్తోంది. సలార్ సినిమా కారణంగానే కల్కి విడుదల వాయిదా పడినట్లు తెలుస్తోంది. సలార్ సినిమా విడుదలై ఎక్కువ రోజులు కాలేదని.. ఈ తక్కువ వ్యవధిలోనే కల్కి 2898 ఏడీని విడుదల చేస్తే సలార్‌పై ప్రభావం చూపుతుందని ప్రభాస్ ఆందోళన వ్యక్తం చేసినట్లు తెలుస్తోంది
కాగా "కల్కి 2898 ఏడీ" సినిమాని రూ.600 కోట్ల భారీ బడ్జెట్‌తో రూపొందించారని టాక్ వస్తోంది. ఈ సినిమాకి నాగ్ అశ్విన్ దర్శకత్వం వహించగా వైజయంతి మూవీస్ నిర్మించింది. ఇక దీపికా పదుకొణే, అమితాబ్ బచ్చన్‌, దిశా పటానీ కీలక పాత్రల్లో నటించిన ఈ సినిమాపై భారీ అంచనాలు నెలకొన్నాయి.
