ఎమ్మెల్యే. ఈ పేరుతో ఎన్నో సినిమాలు గతంలో వచ్చినా సరే ఇప్పుడు తను నటించిన సినిమా పూర్తిగా విభిన్నంగా ఉంటుందని చెబుతోంది అందాల తార కాజల్. ''కళ్యాణ్‌ రామ్‌తో కలిసి ఎమ్మెల్యే సినిమాలో నటించింది. రేపు ఆ సినిమా విడుదల కాబోతోంది. ఈ సినిమా తెలుగు ప్రేక్షకులకు బాగా నచ్చుతుందన్న నమ్మకం ఉంది. ఈ సినిమా సూపర్ డూపర్ హిట్ కొడుతుంది. కళ్యాణ్‌ రామ్‌తో నాకు ముందు నుంచి పరిచయం ఉంది. చాలా రోజుల తరువాత మళ్ళీ కళ్యాణ్‌ రామ్‌తో కలిసి నటించడం చాలా సంతోషంగా ఉంది.
కళ్యాణ్‌ రామ్ యాక్టింగ్ బాగా నేర్చుకున్నాడు. నేను, ఆయన కలిసి నటించిన మొదటి సినిమాకు ఇప్పుడు నటించిన సినిమాకు చాలా తేడాలున్నాయి. సినిమా నిజంగా చాలా బాగా వచ్చింది. సినిమాలో నేను ఎన్.ఆర్.ఐగా కనిపిస్తా. రాజకీయ నేపథ్యంగా నడిచే చిత్రమిది.
