అక్కినేని నాగార్జున చక్కగా ఇద్దరు కొడుకులు పెళ్లి త్వరత్వరగా చేసేసి తాతయ్య అయిపోవాలనుకుంటుంటే వారి పెళ్లిళ్లు మాత్రం వాయిదాలు పడుతున్నాయి. అఖిల్ అక్కినేని పెళ్లి నిశ్చితార్థం వరకూ వచ్చి క్యాన్సిల్ అయ్యింది. నాగచైతన్య - సమంతల పెళ్లి ఈ ఏడాది మధ్యలోనో చివర్లోనో అనుకున్నారు. కానీ వీరి పెళ్లి ఈ ఏడాది కుదిరేట్లు లేదంటున్నారు. మళ్లీ వాయిదా పడినట్లు టాలీవుడ్ సినీజనం చెప్పుకుంటున్నారు. దీనికి కారణాలున్నాయట.
నాగచైతన్య-సమంతల పెళ్లి వాయిదాకు కారకులు వాళ్లిద్దరేనట. ఎలాగంటే... నాగ చైతన్య రారండోయ్ వేడుక చూద్దాం చిత్రంతో ఫుల్ బిజీగా మారిపోయాడట. ఆ తర్వాత మరో స్క్రిప్టు రెడీగా వున్నదట. అలాగే సమంత కూడా రాజుగారి గది 2, మహానటి చిత్రాలతో పాటు రామ్ చరణ్ సరసన నటించేందుకు ఒప్పుకుంది. ఈ చిత్రాలు పూర్తయ్యేసరికి ఏడాది పడుతుందంటున్నారు. దీనికి తోడు ఎన్టీఆర్ కూడా సమంతను తన తాజా చిత్రంలో నటింపజేయాలని చూస్తున్నాడట.
