కన్నుగీటి సోషల్ మీడియాలో పుణ్యంతో సెలెబ్రిటీగా మారిపోయిన మలయాళ కుట్టి ప్రియా ప్రకాష్ వారియర్.. తెలుగు సినిమాలో నటించేందుకు గ్రీన్ సిగ్నల్ ఇచ్చేసినట్లు సమాచారం. మలయాళంలో ''ఒరు ఆదార్ లవ్'' సినిమాతో వెండితెరకు పరిచయమవుతున్న ఈ ముద్దుగుమ్మ.. ఆ చిత్రంలోని 'మాణిక్య మలరాయ పూవై' పాటలో ప్రదర్శించిన హావభావాలకు నెటిజన్లు ఫిదా అయ్యారు.
ఈ హావభావాలే అమ్మడుకు బోలెడు సినిమా ఛాన్సులను వెతుక్కుంటూ వచ్చేలా చేశాయి. ఈ క్రమంలో ప్రముఖ నిర్మాత దిల్ రాజు తీయబోయే తదుపరి సినిమాలో ప్రియ ప్రకాష్ వారియర్‌కు అవకాశం ఇవ్వాలని భావిస్తున్నారని.. ఇప్పటికే సంప్రదింపులు జరిపినట్లు తెలుస్తోంది. ఇందుకు ప్రియా వారియర్ కూడా గ్రీన్ సిగ్నల్ ఇచ్చేసినట్లు సమాచారం.
