వర్మ పవర్ స్టార్, అది చూడాలంటే డబ్బులు కట్టాల్సిందేనట
బుధవారం, 15 జులై 2020 (17:00 IST)
సంచలన దర్శకుడు రామ్ గోపాల్ వర్మ ఏది చేసిన సంచలనమే. ఎప్పుడూ ఏదో రకంగా వార్తల్లో ఉంటూనే ఉంటారు. కరోనా అంటూ అందరూ షూటింగ్‌లు ఆపేసి ఇంట్లో కూర్చుంటే... వర్మ మాత్రం లాక్ డౌన్ టైమ్‌లో కూడా షూటింగ్‌లు చేస్తూ... డబ్బులు సంపాదిస్తున్నాడు. దటీజ్ వర్మ అనిపిస్తున్నాడు.
క్లైమాక్స్, నగ్నం, మర్డర్ ఇలా వరుసగా సినిమాలు చేస్తున్న విషయం తెలిసిందే. తాజాగా పవర్ స్టార్ అంటూ పవన్ కళ్యాణ్ పైన సినిమా తీస్తున్నాడు. అడిగితే మాత్రం ఇది పవన్ కళ్యాణ్‌కి సంబంధించిన సినిమా కాదు అని చెబుతున్నాడు.
ఇక అసలు విషయానికి వస్తే... ఈ సినిమా కోసం కొత్త ఆలోచనతో వస్తున్నాడు. ఏంటంటే.. పవర్ స్టార్ ట్రైలర్ చూడాలంటే డబ్బులు కట్టాల్సిందే అంటున్నాడు.
ఇప్పటివరకు అన్ని సినిమాల ట్రైలర్‌ను ఫ్రీగానే చూపించారు కానీ.. వర్మ పవర్ స్టార్ ట్రైలర్‌కి కూడా కొంత అమౌంట్ పెట్టాలని ఆలోచిస్తున్నాడని తెలిసింది. ట్రైలర్ ద్వారా ఓ 5 లక్షలు వచ్చినా సినిమా బడ్జెట్ వచ్చినట్టు అవుతుంది. ఆ తర్వాత సినిమా ద్వారా ఎలాగూ ఇంకొంత అమౌంట్ వస్తుంది అనేది వర్మ ఆలోచన.
ఈ విషయం తెలిసి వర్మ మామూలోడు కాదు అంటున్నారు. వర్మ కొత్త ఆలోచన బాగానే ఉంది. దీనికి ఎలాంటి స్పందన వస్తుంది అనేది ఆసక్తిగా మారింది. మరి... వర్మ కొత్త ఆలోచన వర్కవుట్ అవుతుందా..? ఆశించిన స్ధాయిలో స్పందన వస్తుందా..? రాదా..? అనేది చూడాలి.
