వెండి తెరపై అందం అభినయంతో మైమరపించే ప్రముఖ నటీమణుల పారితోషికాల వివరాలను చూస్తే ఎవరికైనా దిమ్మతిరిగిపోవాల్సిందే. దీపం ఉండగా ఇళ్లు చక్కబెట్టుకోవాలి.. పుల్ ఫాంలో ఉన్నప్పుడే డబ్బులు వెనకేసుకోవాలి..ఇది దక్షిణాది హీరోయిన్ల సిద్ధాంతం. ఈ సిద్ధాంతం కొత్త హీరోయిన్లకే కాదు, పాత హీరోయిన్లకు వర్తిస్తుంది. ఒకప్పుడు అవకాశాల కోసం చిన్న చిన్న పారితోషికాలను తీసుకున్న హీరోయిన్లు రెండు, మూడు హిట్లు వచ్చాయంటే చాలు.. అమాంతం తమ రెమ్యునరేషన్‌ను పెంచేసుకుంటూ దర్శకనిర్మాతలకు పగటిపూటే చుక్కలు చూపిస్తున్నారు.
కొత్త హీరోయిన్లు ఎందరూ వచ్చినా తమ స్థానాన్ని కాపాడుకుంటున్న నయనతార, త్రిష, అనుష్క, కాజల్, తమన్నా, సమంత, శృతిహాసన్ ఇలా ఈ భామలందరూ రెమ్యునరేషన్ లిస్ట్‌లో టాప్ ప్లేస్‌లోనే ఉన్నారు. అయితే ఈ అగ్రహీరోయిన్ల జాబితాలో కుర్ర హీరోయిన్ రెజీనా కూడా చేరిపోయింది. ప్రస్తుతం రెజీనా ''జ్యో అచ్యుతానంద'', ''మా నగరం'' అనే సినిమాలో నటిస్తోంది. ఈ చిత్రాలేకాకుండా మరో చిత్రానికి కూడా ఆమె సంతకం చేసింది. అయితే ఈ చిత్రానికి పారితోషికం మాత్రం భారీగానే తీసుకుంటోందని టాలీవుడ్ వర్గాలు అంటున్నాయి.
ఇప్పటిదాకా రూ.60 లక్షలే తీసుకుంటున్న రెజీనా.. ఈ చిత్రానికి రూ.1.5 కోట్లు డిమాండ్ చేసిందట. దీనికి నిర్మాతలు సైతం ఒప్పుకున్నారని కోలీవుడ్‌ వర్గాలు అంటున్నాయి. ఇప్పటిదాకా చిన్న హీరోల సినిమాల్లోనే నటించిన ఈ ముద్దుగుమ్మ.. ఈ సారి ఓ టాప్ హీరోతో ఆడిపాడనుందట. పారితోషికం ఒకేసారి రూ.1.5 కోట్లు కావడంతో ఈ బ్యూటీ ఆనందానికి అవధుల్లేకుండా పోయాయట.
