అక్కినేని నాగార్జున వచ్చే సంవత్సరం 2017లో తన ఇద్దరు కుమారులు నాగచైతన్య, అఖిల్ పెళ్లిళ్లు చేయబోతున్నారు. ఐతే ఇద్దరు కొడుకులు ప్రేమించిన అమ్మాయిలతోనే పెళ్లిళ్లు చేసేందుకు నాగార్జున-అమల దంపతులు ఒప్పుకున్నారు. నిజంగా ప్రేమికుల కోర్కెలను అంగీకరించిన నాగార్జున-అమల దంపతులు గ్రేట్ కదా. ఇప్పటికే అఖిల్ ఎంగేజ్‌మెంట్ అతడి ప్రేయసి శ్రియా భూపాల్‌రెడ్డితో ఘనంగా జరిపించేశారు.
త్వరలో పెద్ద కుమారుడు నాగచైతన్య, అతడి ప్రేయసి, నటి సమంతతో నిశ్చితార్థం జరుగుతుందని టాలీవుడ్ సినీజనం చెప్పుకుంటున్నారు. ఈ వార్తలను నాగ్ అంతగా మీడియాకు చెప్పడంలేదు. కేవలం శుభకార్యం జరిగిన రోజు మాత్రమే ఏదో అలా ఫోటోలు బయటకు వస్తున్నాయి. మినహా మరెలాంటి వార్తలు బయటకు రావడంలేదు.
ఐతే కాబోయే పెద్దకోడలు సమంత మాత్రం తమ పెళ్లి విషయాలపై మీడియాకు లీకులిస్తోందని నాగ్ కాస్త కోపంగా ఉన్నారట. అఖిల్ పెళ్లి తర్వాతే నాగచైతన్య-నేను వివాహం చేసుకుంటామని ఇటీవల ఓ ఇంటర్వ్వూలో సమంత చెప్పడంపై నాగార్జున అసహనం వ్యక్తం చేసినట్లు టాలీవుడ్లో గుసగుసలు వినిపిస్తున్నాయి. ఐతే నాగ్... ఇలాంటివి చాలా ఈజీగా తీసుకుంటారనీ, మరీ అంత పట్టింపులు పోరనీ మరికొందరు అంటున్నారు.
