కొత్త సంవత్సరంలో 'సమంత' మాయ చేస్తుందట...

అక్కినేని ఇంటి కోడలు కానున్న యాపిల్ బ్యూటీ సమంత కొత్త సంవత్సరంలో మాయ చేయనుందట. గతంలో 'ఏ మాయ చేశావే' మూవీతో టాలీవుడ్ మొత్తాన్నీ మాయ చేసేసింది. ఆ ఒక్క మూవీతో స్టార్ హీరోయిన్‌గా ఎదిగిపోయింది. అంతేకాదు ఆ మూవీతోనే చైతూతో ప్రేమలో పడి.. ఇప్పుడు పెళ్ళి వరకూ వచ్చింది. 

అందుకే సమంత కెరీర్‌లో ఎన్ని సినిమాలు చేసినా అన్నిట్లోకీ 'ఏ మాయ చేశావే' స్పెషల్ మూవీగా నిలిచిపోయింది. ఇకపోతే.. ఈ సంవత్సరంలో మూడు సినిమాలు చేసిన సమంత ఇప్పటివరకూ కొత్త ప్రాజెక్ట్స్ ఏవీ ఓకే చేయలేదు. దాంతో న్యూ ఇయర్‌లో సమంత మూవీ ఉంటుందా లేదా అని అభిమానులకి డౌట్ మొదలైంది. 

రీసెంట్‌గా ఈ విషయంపై సమంత సోషల్ మీడియాలో క్లారిటీ ఇచ్చింది. ఓ అభిమాని 'ఏ మాయ చేశావే' లాంటి మూవీ మళ్ళీ ఎప్పుడు చేస్తారు అని సమంతని అడిగితే.. త్వరలోనే చేస్తానని సమంత రిప్లై ఇచ్చింది. దీంతో న్యూ ఇయర్‌లో న్యూ లవ్ స్టోరీతో సమంత మళ్ళీ మాయ చేస్తుందని ఖుషీగా ఉన్నారు అభిమానులు.