యంగ్ రెబల్‌స్టార్ ప్రభాస్ ప్రస్తుతం రాధేశ్యామ్ సినిమా చేస్తున్నారు. జిల్ ఫేమ్ రాధాకృష్ణ కుమార్ దర్శకత్వంలో రూపొందుతోన్న ఈ భారీ చిత్రాన్ని యు.వి. క్రియేషన్స్ సంస్థ నిర్మిస్తుంది. ఈ సినిమా తర్వాత ప్రభాస్, మహానటి డైరెక్టర్ నాగ్ అశ్విన్‌తో సినిమా చేయనున్నారు. ఇది పాన్ ఇండియా మూవీ కాదు పాన్ వరల్డ్ మూవీ అనగానే అసలు కథ ఏంటి.? ప్రభాస్‌ని నాగ్ అశ్విన్ ఎలా చూపించబోతున్నారు అని అటు అభిమానుల్లోను ఇటు ఇండస్ట్రీలోను ఆసక్తి ఏర్పడింది.
అయితే.. కథ గురించి ఎలాంటి వార్త బయటకు రాలేదు. ఇప్పుడు సీనియర్ డైరెక్టర్ సింగీతం శ్రీనివాసరావును ఈ సినిమా కోసం తీసుకున్నారు. ఆయన గైడెన్స్‌లో నాగ్ అశ్విన్‌లో ఈ సినిమాని తెరకెక్కించనున్నారు. అయితే.. ఈ మూవీ స్టోరీ గురించి ఓ ఇంట్రస్టింగ్ న్యూస్ బయటకు వచ్చింది. అది ఏంటంటే.. ఇది టైమ్ మిషన్ కాన్సెప్ట్‌తో రూపొందే సినిమా అట.
