చిరంజీవి వారసుడు రామ్ చరణ్‌, నాగార్జున వారసులు నాగచైతన్య, అఖిల్ ఎంట్రీ ఇచ్చారు కానీ.. నందమూరి నట సింహం బాలకృష్ణ నట వారసుడు మోక్షజ్ఞ మాత్రం ఇంకా ఎంట్రీ ఇవ్వలేదు. అభిమానులు బాలయ్య వారసుడు ఎంట్రీ కోసం ఎప్పటి నుంచో ఎదురు చూస్తున్నారు కానీ.. ఇప్పటివరకు క్లారిటీ లేదు. గతంలో మోక్షజ్ఞ ఎంట్రీ కోసం బాలయ్యను అడిగితే... నటనలో శిక్షణ తీసుకుంటున్నాడు. సమయం వచ్చినప్పుడు పూర్తి వివరాలతో ఎనౌన్స్ చేస్తానన్నారు.
అయితే.. మోక్షజ్ఞ ఎంట్రీ ఉంటే ఎవరి డైరెక్షన్లో ఉంటుంది.. అనేది ఆసక్తిగా మారింది. పూరి జగన్నాథ్, క్రిష్‌ పేర్లు ప్రముఖంగా తెర పైకి వచ్చాయి. ఆ తర్వాత మోక్షజ్ఞ ఎంట్రీ గురించి బాలయ్య ఏమీ చెప్పకపోవడంతో ఇప్పట్లో ఉండకపోవచ్చు అంటూ వార్తలు వచ్చాయి.
