బాహుబలి 2 చిత్రాన్ని తెరకెక్కించిన దర్శకుడు ఎస్ఎస్. రాజమౌళి భారీ మొత్తంలోనే రెమ్యునరేషన్‌ను అందుకోనున్నట్టు సమాచారం. గతనెల 28వ తేదీన విడుదలైన ఈ చిత్రం ప్రపంచవ్యాప్తంగా కలెక్షన్ల వర్షం కురిపిస్తోంది. ఇప్పటికే తొలి మూడు రోజుల్లోనే రూ.500 కోట్లు వసూలు చేసినట్టు ట్రేడ్ వర్గాల సమాచారం. పైగా, వసూళ్ల సునామీని సృష్టించి అత్యధిక ఆదాయాన్ని సంపాదించి పెట్టిన తొలి భారతీయ సినిమాగా ఆవిర్భవించే దిశగా దూసుకెళుతోంది.
అంటే, సినిమా ఖర్చులుపోగా, లాభం రూ.750 కోట్లు మిగిలితే, అందులో రాజమౌళికి వాటా కింద రూ.250 కోట్లు వస్తుందని సినీ వర్గాలు లెక్కలు కడుతున్నాయి. ఈ విషయంలో అధికారిక సమాచారాన్ని అందించేందుకు ఎవరూ ఇష్టపడకపోయినా, ఆయన పడిన కష్టానికి ఆ మాత్రం ప్రతిఫలం లభించాల్సిందేనని అత్యధికులు భావిస్తున్నారు.
