నందమూరి నటసింహం బాలకృష్ణ ప్రస్తుతం ఓ భారీ యాక్షన్ ఎంటర్ టైనర్ చేస్తున్నారు. ప్రతిష్టాత్మకంగా నిర్మిస్తున్న ఈ భారీ చిత్రానికి ఊర మాస్ డైరెక్టర్ బోయపాటి శ్రీను దర్శకత్వం వహిస్తున్నారు. ఈ సినిమాని జయ జానకి నాయక చిత్ర నిర్మాత మిర్యాల రవీందర్ రెడ్డి నిర్మిస్తున్నారు. ఇటీవల బాలయ్య పుట్టినరోజు సందర్భంగా టీజర్ రిలీజ్ చేసారు.
ఇదిలా ఉంటే.. ఇప్పుడు ఈ మూవీ గురించి ఓ ఇంట్రస్టింగ్ న్యూస్ బయటకు వచ్చింది. అది ఏంటంటే... ఈ సినిమాలో సీనియర్ హీరోయిన్ నటిస్తున్నారట. ఇంతకీ ఎవరా హీరోయిన్ అంటారా...? అలనాటి అందాల తార జయప్రద. ఈమె ఈ సినిమాలో నటించనున్నారని తెలిసింది. ఈ భారీ యాక్షన్ సినిమాలో సీనియర్ బాలయ్యకు భార్య పాత్ర ఉందని.. ఈ పాత్రకు జయప్రద తీసుకోవాలని అనుకుంటున్నారట.
