కానీ "బిచ్చగాడు"గా తెలుగు సినీ ప్రేక్షకుల అభిమానాన్ని చూరగొన్న విజయ్ ఆంటోనీకి అలాంటి భయమేమీ కనిపించడం లేదు. అందుకే తాను నటించిన తాజా చిత్రం "బేతాళుడు" సినిమాకు సంబంధించి 10 నిమిషాల నిడివి కలిగిన వీడియోను యూట్యూబ్‌లో రిలీజ్ చేశాడు. ఈ చిత్రాన్ని తమిళంలో సైతాన్ పేరుతో నిర్మిచగా, తెలుగులో 'బేతాళుడు' పేరుతో విడుదల చేస్తున్నారు.
ప్రదీప్‌ కృష్ణన్‌ దర్శకత్వం వహించిన చిత్రమిది. ఈనెలలోనే ప్రేక్షకుల ముందుకురానుంది. ఈ చిత్రంలోని మొదటి 10 నిమిషాల సన్నివేశాల్ని యూట్యూబ్‌లో విడుదల చేసింది చిత్ర బృందం. ఓ సినిమా విడుదలకాక మునుపే అందులోని సన్నివేశాల్ని ఆన్‌లైన్‌లో పెట్టడం చర్చనీయాంశమైంది. ''కథాగమనం, పాత్రల ప్రయాణం ఎలా ఉంటుందో చెప్పడానికి చేసిన ప్రయత్నమిద''ని దర్శక నిర్మాతలు చెబుతున్నారు.
