మొన్న తిత్లీ తుఫాన్.. నిన్న గజ తుఫాన్. దక్షిణ భారతదేశాన్ని ఈ తుఫాన్లు తుడిచి పెట్టేస్తున్నాయి. ఇప్పటికే తిత్లీ తుఫాన్ నుండి ఆంధ్రప్రదేశ్ పూర్తిగా తేరుకోకముందే గజ తుఫాన్ తమిళనాడును నీటిమయం చేసేసింది. ఇక ఎప్పటిలాగే గజ తుఫాన్ బాధితులకు మన సెలబ్రిటీలు పెద్దఎత్తున విరాళాలు అందిస్తుండగా.. ఇప్పుడు మరో యంగ్ హీరో ముందుకొచ్చాడు.
ఆ ప్రాంతాలకు వెళ్లి సుమారు 5 టన్నుల రిలీఫ్ మెటీరియల్.. ఫుడ్, మెడిసన్, బెడ్ షీట్స్, సోలార్ లైట్స్, దోమ తెరలు ఇలా అవసరమైన వాటిని 4 గ్రామాల్లో దాదాపు 520 కుటుంబాలకు, వారివారి రేషన్ కార్డులని పరిశీలించి చేయూతనందించారు. అంతేకాకుండా... ఈ తుఫాన్ బాధితులను ఆదుకోవడానికి ప్రతి ఒక్కరూ ముందుకు రావాలని ఆది పినిశెట్టి కోరారు.
