దర్శకుడి మూతి పచ్చడి చేసిన నటి అంజలి.. ఎందుకంటే?

అచ్చ తెలుగు అమ్మాయి అంజలి. 'సీతమ్మ వాకిట్లో సిరిమల్లె చెట్టు' చిత్రంతో మంచి పేరు, గుర్తింపు సంపాదించుకుంది. ఆ తర్వాత పలు చిత్రాల్లో లేడీ ఓరియంటెడ్ పాత్రల్లో నటించింది. గతకొంతకాలంగా అవకాశాలు లేకపోవడంతో ఆమె వెండితెరపై కనిపించడం లేదు.

ఈ నేపథ్యంలో అంజలి "లీసా" అనే తమిళ మూవీలో చేస్తోంది. ఈ చిత్రం షూటింగ్ శరవేగంగా సాగుతోంది. ఓ యాక్షన్ సన్నివేశంలో భాగంగా తన చేతిలో ఉన్న దోసె పెనంను కెమెరా ముందుకు ఆమె విసిరేయాలి. దీంతో ఆమె దర్శకుడు చెప్పినట్టుగానే అంజలి చేసింది. 

అయితే, పొరపాటున ఆ పెనం నేరుగా వెళ్లి దర్శకుడి ముఖానికి తాకింది. దీంతో, ఆయనకు కనుబొమల మధ్య చిట్లి, తీవ్రగాయమైంది. వెంటనే ఆయనను ఆసుపత్రికి తీసుకెళ్లి, కుట్లు వేయించారట. ఈ ఘటన పట్ల అంజలి చాలా బాధ పడిందట. షూటింగ్ సమయంలో ఇలాంటివన్నీ సహజమేనని యూనిట్ సభ్యులు సర్దిచెప్పినప్పటికీ ఆమె మాత్రం బాధపడుతూనే ఉందట. 

కాగా, చిత్రం 3డీ హారర్ ఫిల్మ్‌గా తెరకెక్కుతుండగా, ఈ చిత్రానికి రాజు విశ్వనాథ్ దర్శకత్వం వహిస్తున్నారు. ఇందులో అంజలితో పాటు ప్రేమ్ నజీర్, భావని తదితరులు ప్రధాన పాత్రల్లో నటిస్తున్నారు.