ఇల్లాలు ప్రియురాలు సినిమాతో తెలుగు తెరపై కనిపించిన ''దివ్య'' మలయాలంలో అగ్రహీరోల సరసన నటించింది. నటిగా, నృత్యకారిణిగా మంచి గుర్తింపు పొందిన దివ్య ప్రస్తుతం రెండో పెళ్లి చేసుకుని అందరికీ షాక్ ఇచ్చింది. దాదాపు 45 సినిమాలకు పైగా నటించిన దివ్య.. హ్యూస్టన్‌లోని గురువయప్పన్ ఆలయంలో అమెరికాకు చెందిన సాఫ్ట్‌‍వేర్ ఉద్యోగి అరుణ్ కుమార్ మణికందన్‌ను వివాహం చేసుకుంది.
ఈ వివాహ వేడుక ఇరు కుటుంబాలకు చెందిన సభ్యులు, సన్నిహితులు, స్నేహితుల మధ్య జరిగింది. తన రెండో పెళ్లి విషయాన్ని నటి దివ్య స్వయంగా ప్రకటిస్తూ తన పెళ్లి ఫోటోలను సోషల్ మీడియాలో షేర్ చేసుకుంది. కాగా గతంలో ఈమె అమెరికాకే చెందిన ఓ వైద్యుడిని వివాహం చేసుకుంది. అతనితో విడాకులు తీసుకుంది. వీరికి అరుణ్, మీనాక్షి అనే ఇద్దరు పిల్లలున్నారు.
