హరితేజ గురించి తెలుగు ప్రేక్షకులకు ప్రత్యేకంగా చెప్పాల్సిన అవసరం వుండదు. ఎన్టీఆర్ హోస్ట్ చేసిన బిగ్ బాస్ రియాల్టీ షో తర్వాత హరితేజ క్రేజ్ అమాంతం పెరిగిపోయింది. ఈమెకు సినీ నటిగా, యాంకర్‌గా మంచి ఆఫర్స్ వస్తున్నాయి. ఈ సందర్భంగా సినీ షూటింగ్‌లో వున్న హరితేజ ఓ టీవీకి ఇచ్చిన ఇంటర్వ్యూలో తన భర్త గురించి చెప్పుకొచ్చింది.
తన భర్త బెంగళూరులో సీనియర్ సైంటిస్ట్‌గా పనిచేస్తున్నారని చెప్పింది. షూటింగులు లేనప్పుడు బెంగుళూరు వెళ్తానని వెల్లడించింది. ఆయన వైపు నుంచి లవ్ మ్యారేజ్ అని, తన వైపు నుంచి అరేంజ్డ్ మ్యారేజ్ అని చెప్పింది.
ఇదిలా ఉంటే.. తాజాగా హరితేజ ఒక్క క్షణం సినిమా ప్రీ రిలీజ్ ఫంక్షన్‌కు యాంకరింగ్ చేస్తూ.. అల్లు అర్జున్‌పై ప్రశంసలు గుప్పించింది. తనకు అల్లు అర్జున్ అంటే విపరీతమైన ఇష్టమని చెప్పింది. ఐతే అల్లు అర్జున్ మాత్రం స్వీట్ వార్నింగ్ ఇచ్చారు. తనకు చాలా ఇష్టమైన నటి హరితేజ అని కౌంటరిచ్చారు. చాలా చక్కగా హోస్ట్ చేస్తారని.. ఎక్స్‌ట్రార్డనరీ నటి అంటూ చెప్పారు.
