తమిళ చిత్ర పరిశ్రమకు చెందిన ఓ సినీ నటి చెన్నై పోలీసులను ఆశ్రయించింది. తనను బిగ్ బాస్-3 తమిళ ఫేం దర్శన్ త్యాగరాజన్ మోసం చేశాడని ఆరోపించింది. ఒక యేడాది రిలేషన్ పేరుతో తనను వాడుకుని ఇపుడు వదిలేశాడనీ ఆమె పోలీసులకు ఇచ్చిన ఫిర్యాదులో పేర్కొంది. దీంతో కేసు నమోదు చేసిన పోలీసులు... ఆ దర్శకుడి కోసం గాలిస్తున్నారు.
ఇంతకీ పోలీసులకు ఫిర్యాదు చేసిన తమిళ నటి సనమ్ శెట్టి. ఈమె మోడల్‌గా కెరీర్‌ను ప్రారంభించింది. ఆ తర్వాత తెలుగు, తమిళం, కన్నడ, మలయాళ భాషల్లో పలు చిత్రాల్లో నటించింది.
మలేషియాలో ఉంటున్న దర్శన్ తనను ప్రేమిస్తున్నానని చెప్పి, మోసగించాడని పోలీసులకు ఫిర్యాదు చేసింది. ఈ మేరకు చెన్నైలోని అడయార్ పోలీస్ స్టేషనులో ఆమె ఫిర్యాదు చేసింది. కేసు నమోదు చేసిన పోలీసులు దర్శన్ కోసం గాలిస్తున్నారు.
