"ఎన్టీఆర్‌ను నేరుగా నేనింత వరకు చూసింది లేదు. కనీసం ఆయనతో నటించలేదు. కానీ, ఎన్టీఆర్ అంటే నాకు చాలా చాలా ఇష్టం. కనీసం పరిచయం కూడా లేని ఆయన.. నేను వస్తున్నానని చెబితే ముఖ్యమైన సీన్‌ను వదిలేసి మరీ నా కోసం వచ్చారు. నన్ను ఆయన రిసీవ్ చేసుకున్నారు. ‘అయ్యో అమ్మా.. మీకెందుకు అమ్మా.. నేను వస్తున్నాను’ అంటూ ఆయన నా దగ్గరకు వచ్చారు. అలా అన్నారు చూడండి అది చాలు. ఆ అబ్బాయిని కలిశాక.. ఆయనేంటో ఇంకా అర్థమైంది. నాకు కళ్లలో నీళ్లు తిరగడం చూసి ఆయన కళ్లు కూడా చెమర్చాయి.
కానీ, ఎన్టీఆర్‌ను కలవడం అదే ఫస్ట్ టైం. అయినా సరే.. అంత తక్కువ సమయంలో షూటింగ్‌కు కాస్త విరామం ఇచ్చి మరీ కలిశారు నన్ను. ఆయన అమ్మా అని నన్ను పిలిచారు. నిజమే నేను ఆయనకు అమ్మ లాంటిదాన్నే. ఎన్టీఆర్ బంగారం. ఈ అబ్బాయి మీరు చూసే అబ్బాయి కాదు. ఎక్కడో ఉండాల్సిన అబ్బాయి" అని ఎన్టీఆర్ గురించి చెబుతూ లైవ్‌లోనే కంటతడి పెట్టారు అలనాటి నటి తులసి.
