ఇంటర్నేషనల్ స్టార్‌గా మారిపోయిన డార్లింగ్ ప్రభాస్ రేంజ్‌ ఎక్కడికో వెళ్లిపోయింది. ఆయన ఇపుడు అన్నీ పాన్ ఇండియా మూవీల్లోనే నటిస్తున్నారు. ప్రస్తుతం ఆయన పట్టాలెక్కించిన ప్రాజెక్టులలో 'సలార్', 'ఆదిపురుష్' ఉన్నాయి.
ఈ రెండు సినిమాలు పూర్తిగా డిఫరెంట్ జోనర్లకు చెందినవి. ఇక ఈ నెల 23వ తేదీన ప్రభాస్ పుట్టినరోజూ కావడంతో, ఆయన సినిమాల నుంచి రానున్న అప్‌డేట్ల కోసం అంతా ఆసక్తితో ఉన్నారు. ముఖ్యంగా ప్రభాస్ బర్త్‌డే రోజున 'ఆదిపురుష్' నుంచి శ్రీరాముడి గెటప్‌తో ప్రభాస్ ఫస్టులుక్ రావొచ్చనే టాక్ వినిపిస్తుంది.
ఇక ప్రభాస్ తాజా చిత్రంగా విడుదలకు సిద్దమైన 'రాధేశ్యామ్' నుంచి, చిత్రీకరణ పరంగా 50 శాతానికిపైగా పూర్తయిన 'సలార్' నుంచి కూడా ఇంట్రెస్టింగ్ అప్ డేట్స్ రావొచ్చని అంటున్నారు. 'రాధే శ్యామ్'లో కథానాయికగా పూజ హెగ్డే అలరించనుండగా, 'సలార్'లో శ్రుతి హాసన్ కనువిందు చేయనుంది.
