అల్లు అర్జున్, పూజా హెగ్డే జంటగా త్రివిక్రమ్ శ్రీనివాస్ దర్శకత్వంలో తెరకెక్కిన చిత్రం అల వైకుంఠపురంలో. ఈ సినిమా సంక్రాంతికి ప్రేక్షకుల ముందుకు వచ్చింది. కలెక్షన్ల పరంగా కుమ్మేస్తున్న ఈ సినిమా.. విడుదలైన 40రోజుల్లో దాదాపు 150 కోట్ల షేర్‌ను వసూలు చేసింది. ఫలితంగా తెలుగు ఇండస్ట్రీలోనే ఆల్‌టైమ్ రికార్డులు సృష్టించింది.
అమేజాన్, నెట్‌ఫ్లిక్స్‌లు కూడా ఈ సినిమాని దక్కించుకోవాలని ప్రయత్నించినా నిర్మాతలు మాత్రం సన్‌నెక్ట్స్‌కి అమ్మేశారు. అయితే సినిమాను 50 రోజులకు రిలీజ్ చేయాలని అగ్రిమెంట్ కుదుర్చుకున్నారు. అయితే జనవరి 12న ఈ సినిమా విడుదలవ్వడంతో 50 రోజులు అంటే సన్ నెక్ట్స్‌లో ఫిబ్రవరి 26న విడుదల అయ్యింది.
