హీరోయిన్‌ల పేర్లతో గుళ్లు కట్టినా, హీరోల పేరిట కొట్టుకు చచ్చినా.. అంత వెర్రెత్తిపోయే అభిమానం కేవలం తమిళనాడుకు మాత్రమే పరిమితం అనుకునే వారు కానీ.. ప్రస్తుతం అటువంటి పరిమితులు చెరిపేయబడ్డాయని నిరూపిస్తున్నాయి తాజా సంఘటనలు.
అభిమానులు హీరోలతో ఫోటోలు తీసుకోవడం, వారి ఆటోగ్రాఫ్‌లు తీసుకోవడం పరిపాటిగా మారిపోయిన ఈ సెల్ఫీల కాలంలో చివరికి దాసరి అంత్యక్రియల సమయంలో కూడా ఏ మాత్రం సంయమనం పాటించకుండా అల్లు అర్జున్ అభిమానులు "డీజే డీజే" అంటు కేకలు పెట్టడం.. అటు అల్లు అర్జున్‌కే కాకుండా చాలా మందికి ఇబ్బందికరంగా మారిందనే చెప్పాలి.
