దీనికి కారణం పుష్ప చిత్రంలో బన్నీ నటనకు హాలీవుడు దర్శకులు, ప్రేక్షకులు సైతం ఫిదా అయిపోయారట. దీంతో తాజా సమాచారం ప్రకారం బన్నీకి హాలీవుడ్ నుంచి ఓ క్రేజీ ఆఫర్‌ వచ్చినట్లు తెలుస్తోంది. "పుష్ప"లో ఆయన నటనకు మనసు పారేసుకున్న హాలీవుడ్ ప్రముఖ దర్శకుడు.. బన్నీతో ఎలాగైనా సినిమా చేయాలని నిర్ణయించుకున్నారట.
ఈ మేరకు బన్నీ కోసం తన కథలో ఓ పవర్‌ఫుల్‌ రోల్‌ని క్రియేట్‌ చేశారట. ఈ క్రమంలోనే ఇటీవల బన్నీ న్యూయార్క్‌ పర్యటనకు వచ్చారని తెలుసుకుని మరీ.. ఆయన్ని ప్రత్యేకంగా కలిసి.. తన సినిమా గురించి చర్చించారని వార్తలు చక్కర్లు కొడుతున్నాయి. అయితే, ఈ వార్తలకు సంబంధించి ఎలాంటి అధికారిక ప్రకటన వెలువడలేదు.
