మలయాళ కుట్టి అమలా పాల్ మాజీ భర్త విజయ్ రెండో పెళ్లి చేసుకోబోతున్నాడు. వాస్తవానికి విజయ్‌ను అమలా పాల్ 2014లో ప్రేమించి పెళ్లి చేసుకుంది. అయితే, కొద్దిరోజుల్లోనే వీరి మధ్య మనస్పర్థలు తలెత్తాయి. దీంతోవారిద్దరూ విడిపోయారు. ఆ తర్వాత అమలా పాల్ సినిమాల్లో హీరోయిన్‌గా నటిస్తుండగా, విజయ్ దర్శకుడిగా కొనసాగున్నాడు.
ఈ నేపథ్యంలో విజయ్ రెండో పెళ్లి చేసుకోబోతున్నట్టు వార్తలు వినిపిస్తున్నాయి. ఈ యేడాది చివర్లో విజయ్ పెళ్లి చేయాలని ఆయన తల్లిదండ్రులు భావిస్తున్నారట. ప్రస్తుతం పెళ్లి కుమార్తెను వెతికే పనిలో ఉన్నారు. మరోవైపు, ఈ వార్తలన్నీ అబద్ధాలే అని విజయ్ స్నేహితులు కొట్టిపారేస్తుండటం గమనార్హం.
