ఈటీవీలో ప్రసారమవుతున్న పాపులర్ టీవీ షోలలో క్యాష్ కార్యక్రమం ఒకటి. దీనికి ప్రజాదరణ మరియు రేటింగ్స్ కూడా ఎక్కువే. ప్రతివారం నలుగురు సెలబ్రిటీలలో సుమ చేసే సందడితో ఈ కార్యక్రమం విజయవంతంగా ప్రేక్షకులను అలరిస్తూ ముందుకు దూసుకెళ్తోంది. ఈ ప్రోగ్రామ్‌కే కాదు దీని ప్రోమోకు కూడా యూ ట్యూబ్‌లో గణనీయ స్థాయిలో వ్యూస్ వస్తున్నాయి.
అలా ప్రసారమైన ఈ వారం ఎపిసోడ్ ప్రోమోలో సుమ, రాజ్ తరుణ్, రాజా రవీంద్ర తదితరులతో సందడి చేస్తూ ఒక సందర్భంలో పడవపై నించుని డ్యాన్స్ చేస్తుండగా కింద పడిపోయింది. వెంటనే అక్కడ పనిచేసేవారు పరుగెత్తుకుంటూ వస్తున్నట్లుగా ప్రోమోలో చూపించారు. కార్యక్రమానికి వచ్చిన సెలబ్రిటీలు, ప్రేక్షకులు షాక్‌కు గురయ్యారు.
ఈ వీడియోలో చూపిస్తున్న ప్రకారమైతే సుమకు పెద్దగా ప్రమాదం లేకపోవచ్చనే చెప్పాలి, రేపు ప్రసారమయ్యే ఎపిసోడ్ కోసం అంతా ఎంతో ఆసక్తిగా ఎదురుచూస్తున్నారు. ఈ షో నిర్వాహకులు టిఆర్‌పి కోసం ప్రోమోలో ఈ యాక్సిడెంట్‌ను చూపించి ప్రేక్షకుల్లో ఉత్సుకతను రేకెత్తించారు. దీనివలన ఈ ఎపిసోడ్ టిఆర్‌పి అమాంతం పెరిగే అవకాశముంది. ఎందుకంటే సుమ పాపులారిటీ అలాంటిది మరి.
