కండల వీరుడు సల్మాన్ ఖాన్‌కు కోపమొచ్చింది. దబాంగ్‌ ఖాన్ సల్మాన్ ఖాన్ సాధారణంగా అందరినీ నవ్విస్తుంటాడు. అలాంటి సల్లూభాయ్‌కే కోపం తెప్పించి సెట్స్ నుంచి వెళ్లిపోయేలా చేశాడు ఓం స్వామి. ఇంతకీ ఏం జరిగిందంటే? భాయ్‌ హోస్ట్‌ చేస్తున్న సెలబ్రెటీ రియాల్టీ షో బిగ్‌బాస్‌ కార్యక్రమంలో కంటెస్టెంట్‌గా ఓం స్వామి పాల్గొన్నాడు. కంటెస్టెంట్లు ఒకర్నొకరు తిట్టుకుంటూ.. నాటకీయంగా వ్యవహరించడమే బిగ్‌బాస్‌ షో ప్రత్యేకత.
జస్ట్‌ యాక్టింగ్‌ చేస్తున్నానంతే అని ఓంస్వామి చెప్పడంతో భాయ్‌ కోపం కట్టలు తెంచుకుంది. ఇలా ప్రవర్తించడం వినోదాత్మకంగా ఉండదంటూ భాయ్‌ బిగ్‌బాస్‌ సెట్‌ నుంచి బయటికి వెళ్లిపోయాడు. నిర్మాణ బృందం సల్మాన్ ఖాన్‌ను ఎంత కూల్ చేసేందుకు ప్రయత్నించినా వారి తరం కాలేదు. ఇలాంటి వ్యవహారాలు తనకు ఏమాత్రం పడవని చెప్పుకొచ్చాడు.
