టాలీవుడ్ హీరోయిన్ సంజన వివాదాస్పద వ్యాఖ్యలు చేసింది. కన్నడంలో ప్రసారం అవుతున్న బిగ్‌బాస్ షో కోసం మీడియాతో మాట్లాడిన ఈ భామ వార్తల్లో నిలిచింది. ఈ షోని కొందరు కేఎఫ్సీసీ మెంబర్స్ వ్యతిరేకించడంపై తనదైన శైలిలో కాంట్రవర్సీ క్రియేట్ చేసింది. కన్నడ చిత్రాలను డబ్బా మూవీస్‌తో పోల్చుతూ కామెంట్స్ చేసేసింది. ఈ యవ్వారంపై సీరియస్ అయిన నిర్మాతలు.. కన్నడ ఫిలిం ఛాంబర్ ఆఫ్ కామర్స్‌కు ఫిర్యాదు చేయడం, వాళ్లు నోటీసులు జారీ చేయడం అంతా చకచకా జరిగిపోయింది.
ఇంకేముంది.. సీన్ రివర్స్ అయిన విషయాన్ని గ్రహించిన అమ్మడు మళ్లీ చేసేది లేక మాట మార్చింది. టీఆర్పీ కోసం తన బైట్‌ను అలా ముక్కలుగా టీవీ ఛానల్ ఎడిట్ చేసిందని, తన ఉద్దేశ్యం అదికాదంటూ క్లారిటీ ఇచ్చింది. అయినా నిర్మాతలు మాత్రం కూల్‌ కాలేదు. అసలే అరకొర సినిమాలతో శాండిల్‌వుడ్‌లో నెట్టుకొస్తోంది ఈ అమ్మడు. ఈలోగా వివాదాస్పద వ్యాఖ్యలు చేసిన సంజన కెరీర్‌ ట్రబుల్స్‌లో పడే అవకాశముందని సినీ పండితులు అభిప్రాయపడుతున్నారు.
