తమిళ బిగ్ బాస్ ద్వారా మాంచి క్రేజ్ సంపాదించిన ఓవియా గురించి ప్రత్యేకంగా చెప్పాల్సిన అవసరం లేదు. తన కో-పార్టిసిపెంట్స్‌తో బిగ్ బాస్ కోసం పోటీపడిన ఓవియా ఇటీవల మానసిక సమస్యల కారణంగా బయటికి వచ్చేసింది. ఈ బిగ్ బాస్ కార్యక్రమం నుంచి ఓవియా బయటకు వచ్చేసినా ఆమె క్రేజ్ ఏమాత్రం తగ్గలేదు. బిగ్ బాస్ హౌస్‌లో వుండగానే ఆమె పేరిట ఓవియా ఆర్మీ అంటూ ఫ్యాన్స్ ఓ గ్రూపును క్రియేట్ చేశారు.
ఈ గ్రూపు ద్వారా ఓవియా ట్వీట్స్ రీ ట్వీట్ అవుతాయి. లైక్స్ పెరిగిపోతాయి. ఈ క్రమంలో బిగ్బాస్ నుంచి బయటికి వచ్చాక ఓవియా చేసిన తొలి ట్వీట్‌కు 56 వేల‌కు పైగా లైకులొచ్చాయి. ఈ ట్వీట్‌ను 15వేల మందికి పైగా నెటిజ‌న్లు రీట్వీట్ చేశారు. తమిళ సూపర్ స్టార్ రజనీకాంత్ ట్వీట్‌కి కూడా ఇన్ని రీట్వీట్ల్ రాలేదు. బిగ్ బాస్ తమిళంలో ఆమె ప్రవర్తన ఆమెకు పేరుతో పాటు గుర్తింపును సంపాదించిపెట్టింది. ఈ క్రమంలోనే ఓవియా ఆర్మీ ఓ ట్రెండ్‌గా మారింది.
ఈ నేపథ్యంలో ఓవియా నటుడు విజయ్‌ సరసన నటించనున్నట్లు ప్రచారం జరుగుతోంది. ప్రస్తుతం విజయ్‌ అట్లి దర్శకత్వంలో ‘మెర్సల్‌’ చిత్రంలో నటిస్తున్నారు. ఈ సినిమా పూర్తయిన తర్వాత ఏఆర్‌ మురుగదాస్‌ దర్శకత్వంలో రూపుదిద్దుకునే సినిమాలో ఓవియా నటించనున్నట్లు కోలీవుడ్ వర్గాల్లో టాక్. ఇందులో విజయ్‌ సరసన ముగ్గురు కథానాయికలు ఆడిపాడనున్నట్లు సమాచారం.
