టాలీవుడ్ నటి పునర్నవి భూపాలం మళ్లీ రియల్ లైఫ్‌లోకి వచ్చేసింది. బిగ్ బాస్ మూడో సీజన్‌లో 11 వారాల పాటు కొనసాగింది. చివరికి ఆదివారం ఎలిమినేట్ అయ్యింది. గాయకుడు రాహుల్ సిప్లిగంజ్‌తో ఆమె స్నేహం అనేక ఊహాగానాలకు తావిచ్చినా, ఎన్ని ప్రశ్నలు ఎదురైనా హుందాగా వ్యవహరించిన ఆమె తీరు అందరినీ ఆకట్టుకుంటోంది. ఇక, చాలారోజుల తర్వాత బాహ్య ప్రపంచంలోకి వచ్చిన పునర్నవి ఇన్‌స్టాగ్రామ్‌లో స్పందించింది.
"మళ్లీ మన లోకంలోకి వచ్చేశాను. బిగ్ బాస్ ఇంట్లో ఇదో అద్భుత ప్రయాణం. ప్రతిక్షణం ఆస్వాదించాలన్నదే నా అభిమతం. నా ప్రియమైన ఫ్యాన్స్‌కు కృతజ్ఞతలు. మీరు లేకుండా నేను లేను. ఆదరించిన అందరికీ ధన్యవాదాలు. మిమ్మల్ని ఎప్పటికీ ప్రేమిస్తూనే ఉంటాను. త్వరలోనే కోలుకుని అన్ని విషయాలతో లైవ్‌లోకి వస్తా" అంటూ తన పోస్టులో పేర్కొంది.
