ఇంజనీరింగ్ కోర్సు చదువుతున్న మహిళ 22 ఏళ్ల దళిత యువకుడిని ప్రేమించి వివాహం చేసుకుంది. అయితే ఆమె సోదరుడు అతని నలుగురు స్నేహితులతో కలిసి ఫిబ్రవరి 25న ఆమె భర్తను హత్య చేశాడు. కులాంతర వివాహం చేసుకున్నందుకు ద్వేషపూరిత నేరానికి పాల్పడినట్లు అనుమానిస్తున్న కేసులో ఆమె సోదరుడు తన భర్తను హత్య చేసిన రెండు నెలల తర్వాత, చెన్నైలో బాధితురాలు ఆత్మహత్యకు పాల్పడింది.
తన అత్తమామలతో నివసిస్తున్న మృతురాలు ఏప్రిల్ 20న ఆత్మహత్యకు ప్రయత్నించింది. చికిత్స కోసం చెన్నైలోని రాజీవ్ గాంధీ ప్రభుత్వ జనరల్ ఆసుపత్రికి తరలించారు. ఏప్రిల్ 22న రాత్రి 7 గంటల సమయంలో ఆమె చికిత్స పొందుతూ మరణించిందని పోలీసులు తెలిపారు. ఇంకా సూసైడ్ నోట్ లభించలేదని పోలీసులు చెప్పారు. ఈ ఘటనపై దర్యాప్తు జరుగుతుంది.
