ఈ వీడియోలో బిగ్ బాస్ సీజన్ 6 త్వరలో ప్రారంభం కానుందని, మరిన్ని అప్‌డేట్‌ల కోసం స్టార్ మాతో కలిసి ఉండాలని నాగ్ కోరారు. ఈ వీడియోలో అప్పగింతలు జరుగుతున్న వేళ తల్లిదండ్రులు కుమార్తె కోసం ఏడుస్తుంటే.. వున్నట్టుండి ఫోనుకు వచ్చిన సందేశంతో పెళ్లికూతుర్ని వదిలి అందరూ మాయమవుతారు.
ఆ సమయంలో నాగ్ ఎంట్రీ ఇస్తారు.. "డియర్ అంటూ.. అప్పగింతల వరకు ఆగకపోయారంటే.. అక్కడ ఆట మొదలైనట్టే.. లైఫ్ లో ఏ మూమెంట్ అయినా బిగ్ బాస్ తర్వాతే.. బిగ్ బాస్ సీజన్ సిక్స్ ఎంటర్‌టైన్‌మెంట్‌కి అటా ఫిక్స్.." అంటూ నాగ్ చెప్పిన డైలాగ్‌కు బాగా రెస్పాన్స్ వస్తోంది. బిగ్ బాస్ షోకి స్మాల్ స్క్రీన్ లవర్స్ నుంచి అద్భుతమైన రెస్పాన్స్ వస్తోన్న సంగతి తెలిసిందే. ఈ వీడియోను మీరూ ఓ లుక్కేయండి.
