గతంలో దక్షణాది చిత్రాలను చిన్న చూపు చూసిన బాలీవుడ్ తారలు ప్రస్తుతం దక్షణాది చిత్రాల్లో నటించేందుకు ఆసక్తి చూపుతున్నారు. తమకు తాము గొప్పవాళ్లు అని ఫీలయినవాళ్లే ఇప్పుడు సౌత్ సినిమాల్లో అవకాశాల కోసం క్యూ కడుతున్నారు. తెలుగు, తమిళ్ సినిమాల్లో నటించేందుకు బాలీవుడ్ నటీనటులు తెగ ఇంట్రెస్ట్ చూపిస్తున్నారు.
త్రివిక్రమ్, అల్లు అర్జున్ కాంబినేషన్‌లో తెరకెక్కనున్న చిత్రంలో హిందీ సీనియర్ నటుడు నానా పటేకర్ నటించనున్నట్లు వార్తలొస్తున్నాయి. సైరాలో బిగ్ బీ అమితాబ్ మెగాస్టార్‌కి గురువుగా నటిస్తున్నాడు. మరోవైపు ప్రభాస్ నటిస్తోన్న సాహో సినిమాలో హీరోయిన్ శ్రద్ధాకపూర్‌తో పాటు నీల్ నితిన్ ముకేష్, జాకీ ష్రాఫ్, మందిరా బేడీ, ఆదిత్య శ్రీవాస్తవ్, ఇవిలిన్ శర్మ ఇలా అరడజను మంది హిందీ నటీనటులు నటిస్తున్నారు.
అంతేకాదు విజయ్, అట్లీ కాంబినేషన్‌లో రాబోతున్న స్పోర్ట్స్ బ్యాక్ డ్రాప్ మూవీలో షారుక్ ఖాన్ గెస్ట్ అప్పీయరెన్స్‌లో కనిపించనున్నాడని ప్రచారం జరుగుతోంది. ఇలా బాలీవుడ్ స్టార్ హీరోల దగ్గరి నుంచి క్యారెక్టర్ ఆర్టిస్టుల దాకా సౌత్ సినిమాల్లో నటించేందుకు క్యూ కడుతున్నారు.
