'ఉప్పెన' ఫేం బుచ్చిబాబు సాన, మెగా పవర్ స్టార్ రామ్ చరణ్‌ల కాంబినేషన్‌లో ఓ చిత్రం తెరకెక్కనుంది. ఇది రామ్ చరణ్ నటించే 16వ చిత్రం. ఈ చిత్రం గురించి దర్శకుడు బుచ్చిబాబు సాన కీలక అప్డే ఇచ్చారు. కర్నాటక రాష్ట్రంలోని చాముండేశ్వరి మాత ఆశీస్సులతో ఈ చిత్రం షూటింగ్ ప్రారంభిస్తున్నట్టు తెలిపారు. ఇందులో జాన్వీ కపూర్ హీరోయిన్‌గా నటించారు.
ఇక్కడ చెర్రీతో పాటు ప్రధాన తారాగణంపై కొన్ని కీలక సన్నివేశాలను తెరకెక్కిస్తారని సమాచారం. ఇక ఉత్తరాంధ్ర నేపథ్యంలో స్పోర్ట్స్ డ్రామాగా 'ఆర్సీ16' చిత్రాన్ని రూపొందించనున్నారు. ఈ సినిమాకు ఆస్కార్ విజేత ఏ.ఆర్.రెహహాన్ బాణీలు అందిస్తున్నారు. ప్రముఖ నిర్మాణ సంస్థ మైత్రీ మూవీ మేకర్స్ భారీ వ్యయంతో దీనిని నిర్మిస్తోంది. ఇదిలాఉంటే.. రామ్ చరణ్, శంకర్ కాంబినేషన్‌లో తాజా చిత్రం 'గేమ్ ఛేంజర్' జనవరి 10న ప్రేక్షకుల ముందుకురానుంది.
