ఇదే అంశంపై రాజమౌళి బీబీసీకి ఇచ్చిన ఇంటర్వ్యూలో తన మనసులోని మాటను వెల్లడించారు. భారత సినీ రంగంలోని టాప్ స్టార్స్‌లో ఒకరైన రజనీకాంత్‌తో సినిమా చేయాలని ఏ డైరెక్టర్ అయినా కోరుకుంటాడని చెప్పాడు. నిజంగానే రజనీతో సినిమా చేయాలనే కోరిక తనకు కూడా ఉందని... ఆయన ఇమేజ్‌కు తగ్గ కథ దొరికితే తప్పకుండా సినిమా చేస్తానని చెప్పాడు.
ముఖ్యంగా అంత గొప్ప అవకాశం వస్తే తన కన్నా సంతోషించే వ్యక్తి మరొకరు ఉండరన్నారు. కాగా, కొన్నేళ్లుగా బాహుబలి సినీ నిర్మాణంతో అలసి పోయిన రాజమౌళి... ఇప్పుడు హాలిడేస్ ఎంజాయ్ చేస్తున్నాడు. తన ఫ్యామిలీతో కలసి లండన్‌లో సేదతీరుతున్నాడు.
