ఎన్నో విల‌క్ష‌ణ‌మైన పాత్ర‌ల‌ను పోషించి న‌టుడిగా త‌న ప్ర‌త్యేక‌త‌ను చాటుకున్న చియాన్ విక్ర‌మ్ త‌దుప‌రి చిత్రం ‘చియాన్ 62’కు (వ‌ర్కింగ్ టైటిల్‌) సంబంధించిన అధికారిక ప్ర‌క‌ట‌న వెలువ‌డింది. ప్ర‌ముఖ నిర్మాణ సంస్థ హెచ్‌.ఆర్‌.పిక్చ‌ర్స్ బ్యాన‌ర్‌పై ఈ సినిమా రూపొందుతుంది. దీనికి సంబంధించిన వీడియోను మేక‌ర్స్ విడుద‌ల చేశారు. ప‌న్నైయారుమ్ ప‌ద్మినియుమ్‌, సేతుప‌తి, సిందుబాద్ స‌హా రీసెంట్‌గా విడుద‌లైన సూప‌ర్ చిత్రం చిత్తా (చిన్నా) వంటి డిఫ‌రెంట్ మూవీస్‌ను తెర‌కెక్కించి విమ‌ర్శ‌కుల ప్ర‌శంస‌లు పొందిన ద‌ర్శ‌కుడు ఎస్‌.యు.అరుణ్ కుమార్ ఈ చిత్రాన్ని డైరెక్ట్ చేస్తున్నారు.
