నాగబాబు, పవన్ కళ్యాణ్ ఎంతో వివి.వినాయక్ అంతే: చిరంజీవి

తన సోదరులైన నాగబాబు, పవన్ కళ్యాణ్ ఎంతో దర్శకుడు వివి వినాయక్ కూడా అంతేనని మెగాస్టార్ చిరంజీవి అన్నారు. ఆదివారం నాడు వినాయక్ పుట్టిన రోజు సందర్భంగా చిరంజీవి శుభాకాంక్షలు తెలిపారు.  

ఈ సందర్భంగా వినాయక్ గురించి చిరంజీవి మాట్లాడుతూ... వీవీ వినాయక్ తనకు సోదరుడి వంటి వాడని, నాగబాబు, పవన్ కల్యాణ్ ఎంతో వినాయక్ కూడా అంతేనని చెప్పారు. 

తనను ఎంతో వినయంగా అన్నయ్యా అని పిలిచే వినాయక్, పది మందికీ సాయపడాలని భావించే గుణమున్న వ్యక్తని, అదే తన్ను చాలా ఇంప్రెస్ చేసిందని వెల్లడించారు. ఓ దర్శకుడిగా కన్నా, వ్యక్తిగా తనకెంతో నచ్చిన వ్యక్తని కొనియాడారు. 

కాగా, సుదీర్ఘ కాలం తర్వాత చిరంజీవి తన 150వ చిత్రాన్ని వివి వినాయక్ దర్శకత్వంలో తెరకెక్కిస్తున్న విషయం తెల్సిందే. ఈ చిత్రం తమిళ సినిమా కత్తికి రీమేక్. సంక్రాంతికి విడుదల చేసేలా ప్లాన్ చేస్తున్నారు.