పవర్ స్టార్ పవన్ కళ్యాణ్ - రేణూ దేశాయ్‌ల సంతానం 'అకీరానందన్'. ఈ కుర్రోడి పుట్టినరోజు వేడుకలు ఏప్రిల్ 8వ తేదీన జరుగుతాయి. ఈ సందర్భంగా అకీరాకు మెగాస్టార్ చిరంజీవి పుట్టినరోజు శుభాకాంక్షలు తెలిపారు. ఈ మేరకు చిరంజీవి తన ట్విట్టర్ ఖాతాలో ట్వీట్ చేశారు. చిరంజీవి చేసిన ట్వీట్ మెగా ఫ్యాన్స్‌ ప్రతి ఒక్కరినీ మంత్రముగ్ధులను చేసింది. అటు పవర్ స్టార్ అభిమానులు కూడా మురిసిపోతున్నారు.
'మన బిడ్డ మనకంటే ఎత్తుకు ఎదగాలని కోరుకుంటాం. నా చేతిలో ఒదిగిపోయిన ఈ బిడ్డ, ఎత్తులో అందరికంటే ఎదిగిపోయాడు.(6'4") అన్ని విషయాల్లో కూడా అందరిని ఇలానే మించిపోవాలి. విష్ యూ ఏ పవర్‌ఫుల్ ప్యూచర్. హ్యాపీ బర్త్ డే అకీరా' అంటూ చిరంజీవి ట్వీట్ చేశారు.
కాగా, భార్యాభర్తలుగా పవన్, రేణులు విడిపోయినప్పటికీ తన తండ్రిని చూడటానికి అకీరా అప్పుడప్పుడు హైదరాబాద్‌కు వస్తుంటారు. అంతేకాకుండా పెద్దనాన చిరంజీవి ఫ్యామిలీతో కూడా ఈ లిటిల్‌ పవర్‌స్టార్‌కు మంచి బాండింగ్‌ ఉంది. 16 యేళ్ల అకీరా ఇప్పటికే మలయాళం చిత్రంలో నటించిన విషయం తెలిసిందే.
