మెగాస్టార్ చిరంజీవి సామాజిక కార్యక్రమాలను మరింతగా వ్యాప్తి చేయాలని సంకల్పించారు. ఇప్పటికే చిరంజీవి బ్లడ్ బ్యాంక్, ఐ బ్యాంక్, ఆక్సిజన్ బ్యాంక్‌లను ఆయన ప్రారంభించి అద్భుతంగా ముందుకు తీసుకెళుతున్నారు. వీటి ద్వారా అనేక మంది రోగులు లబ్ధి పొందుతున్నారు. ఈ క్రమంలో ఆయన మరో కీలక నిర్ణయం తీసుకున్నారు.
పైగా, తాను చేసే పనులకు ఎలాంటి ప్రచారం అక్కర్లేదని ఆయన కుండబద్ధలు కొట్టినట్టు చెప్పారు. అయితే, తాను చేసే పనులకు సంబంధించిన సమాచారం మాత్రం ఇవ్వాలని, అది పది మందికి తెలిస్తే వారి ద్వారా మరో పదిమందికి తెలిసి స్ఫూర్తి పొందుతారని, వాళ్లు కూడా మంచి చేస్తారని తెలిపారు.
