బాలీవుడ్ నటి దియా మీర్జా సంచలన వ్యాఖ్యలు చేసింది. బాలీవుడ్ ఖల్‌నాయక్ సంజయ్ దత్ జీవిత కథ ఆధారంగా తెరకెక్కిన చిత్రం "సంజు". ఈ చిత్రం ఈనెలాఖరులో విడుదల కానుంది. ఈ చిత్రం ద్వారా దియా మీర్జా రీ ఎంట్రీ ఇస్తోంది. ఇందులో సంజయ్ దత్ భార్య మాన్యతా దత్ పాత్రలో దియా మీర్జా కనిపించనుంది. ఈ నేపథ్యంలో ఆమె ఓ ఇంటర్వ్యూలో మాట్లాడుతూ, ప్రస్తుత దర్శక నిర్మాతల చూపంతా యంగ్ హీరోయిన్లపైనే ఉందని వ్యాఖ్యానించింది.
ముఖ్యంగా, కథానాయికలు నటపరంగా ఎంతో ఆకట్టుకున్నా కూడా ఆ హీరోయిన్ వయసు 30 దాటిందంటే చాలు అవకాశం ఇవ్వడానికి ఏ డైరెక్టర్ ముందుకు రావటం లేదని వాపోయింది. ప్రధానంగా దర్శకనిర్మాతల చూపంతా పడుచు అమ్మాయిలపైనే కేంద్రీకృతమైవుందని అభిప్రాయపడింది.
