రాజమౌళి దర్శకత్వంలో వచ్చిన చిత్రం "ఆర్ఆర్ఆర్". రాం చరణ్, జూనియర్ ఎన్టీఆర్‌లు హీరోలుగా నటించారు. అలియా భట్ హీరోయిన్. అజయ్ దేవగన్ కీలక పాత్రను పోషించారు. గత నెల 25వ తేదీన ప్రపంచ వ్యాప్తంగా భారీ ఎత్తున విడుదలైన ఈ చిత్రం ఇప్పటికే రూ.750 కోట్ల గ్రాస్‌ను వసూలు చేసి, రూ.1000 కోట్లకు గురిపెట్టింది.
హైదరాబాద్ నగరంలో జరిగిన ఈ గ్రాండ్ పార్టీకి "ఆర్ఆర్ఆర్" చిత్రం కోసం పని చేసిన యూనిట్ సభ్యులంతా పాల్గొన్నారు. ఈ పార్టీకి రాజమౌళి, జూనియర్ ఎన్టీఆర్, రామ్ చరణ్, కీరవాణిలు తమ భాగస్వాములతో హాజరయ్యారు. ఇందులో అనిల్ రావిపూడితో కలిసి రాజమౌళి "నాట్టు నాట్టు" పాటకు స్టెప్పులు కూడా వేసి అందర్నీ ఆలరించారు. ఈ వీడియో ఇపుడు సోషల్ మీడియాలో వైరల్ అయింది.
