తెలుగు చిత్రపరిశ్రమకు చెందిన సీనియర్ హీరోయిన్ శ్రియ ఓ ఇంటికి కోడలు కానుంది. తన రష్యా ప్రియుడుని ఆమె వివాహమాడనున్నారు. వీరిద్దరి వివాహం ఈనెల 12వ తేదీన జరిగినట్టు మిడే డే టాబ్లాయిడ్ ఓ కథనాన్ని ప్రచురించింది. ఈ కథనం ప్రకారం ముంబైలోని అంథేరిలోని శ్రియ నివాసంలో ఆండ్రీతో ఆమె వివాహం చాలా హడావిడిగా జరిగిపోయింది.
ఈ వివాహ కార్యక్రమానికి కేవలం ఇరు కుటుంబ సభ్యుల మధ్యే జరిగిన ఈ వివాహంలో శ్రియ సన్నిహిత మిత్రుల్లో కొంతమంది మాత్రమే హాజరైనట్టు సమాచారం. ఇలాంటివారిలో బాలీవుడ్ నటుడు మనోజ్ బాజ్‌పాయ్, ఆయన భార్య షబానా ఉన్నారట. అలాగే, వివాహానికి ముందు ఈ నెల 11న విందు కార్యక్రమం ధూం ధాంగా జరిగినట్టు పేర్కొంది.
