తెలుగు, త‌మిళ సినీ ప‌రిశ్ర‌మ‌లో రాక్‌స్టార్ దేవి శ్రీ ప్రసాద్ సాధించిన విజ‌యాలు అంద‌రికీ తెలిసిందే. జాతీయ‌స్థాయిలో బెస్ట్ పాపుల‌ర్ ఫిలిం అవార్డ్ అందుకున్న`మ‌హ‌ర్షి` చిత్రానికి త‌న మ్యూజిక్‌తో ప్రాణం పోశారు దేవిశ్రీప్రసాద్. అలాగే క‌రోనా క్రైసిస్‌లో కూడా జ‌నం ఉప్పెన‌లా థియేట‌ర్ల‌కు త‌ర‌లిరావ‌డానికి ప్ర‌ధాన కార‌ణం `ఉప్పెన` చిత్రానికి దేవిశ్రీ అందించిన పాట‌లే. రానున్న పాన్ఇండియా మూవీ పుష్పకి హై ఎక్స్‌పెక్టేష‌న్స్ రావ‌డానికి రాక్‌స్టార్ కూడా ఒక కార‌ణం. అలాగే రామ్ లింగుసామి కాంభినేష‌న్ సినిమాకి దేవి శ్రీ ప్రసాద్ ఎంట్రీతో ఒక కొత్త ఊపువ‌చ్చింది. వీటితోపాటు ఎఫ్‌3, ఖిలాడి సినిమాల‌కి దేవిశ్రీ సంగీతం మంచి ఎసెట్ కానుంది. ఇటు త‌మిళ్‌లో అంద‌రి హీరోల‌తో అద్భుత‌మైన హిట్స్ ఇవ్వ‌డ‌మే కాకుండా జీత‌మిళ్‌లో ప్ర‌సారం అవుతున్న `రాక్‌స్టార్` షోతో త‌మిళ‌నాట త‌న ఇమేజ్‌ని మ‌రింత రెట్టింపు చేసుకున్నారు దేవి.
