''ఫిదా''తో అందరినీ ఫిదా చేసిన సాయిపల్లవి ప్రస్తుతం ఫోర్బ్స్ జాబితాలో చోటు దక్కించుకుంది. సాయి పల్లవి ప్రస్తుతం తెలుగులో 'విరాట పర్వం' అనే సినిమాలో నటిస్తోంది. నీది నాది ఒకే కథ ఫేమ్‌ వేణు ఊడుగుల దర్శకత్వం వహిస్తున్నారు. రానా మరో ప్రధాన పాత్ర చేస్తున్నాడు. తెలంగాణ నేపథ్యంలో పీరియాడికల్‌ ప్రేమకథగా, రాజకీయ థ్రిల్లర్‌గా వస్తున్న ఈ సినిమాలో రానా రాజకీయ నాయకుడిగాను, సాయిపల్లవి పేదింటి యువతిగా జానపదాలు పాడే మహిళగా కనిపించనుందని సమాచారం.
సాయిపల్లవి ప్రఖ్యాత బిజినెస్ మ్యాగజైన్ ఫోర్బ్స్ తాజాగా ముప్పై సంవత్సరాలలోపు తాము ఎంచుకున్న రంగాల్లో విజయాలను పొందిన వ్యక్తుల జాబితాను విడుదల చేసింది. అందులో భాగంగా వినోదరంగంకు సంబందించి 27 సంవత్సరాల సాయి పల్లవి చోటు సంపాదించుకుంది. దీంతో ఆమె అభిమానులు సోషల్ మీడియాలో పండగ చేసుకుంటున్నారు. తమ అభిమాన నటి ప్రఖ్యాత ఫోర్బ్స్ జాబితాలో చోటు సంపాదించుకోవడం చాలా గర్వంగా ఉందని కామెంట్స్ పెడుతున్నారు.
