నాగ చైతన్య, సాయిపల్లవి జంటగా రూపుదిద్దుకుంటున్న ''లవ్ స్టోరీ''లో సామాజిక అంశాన్ని శేఖర్ కమ్ముల టచ్ చేస్తారని తెలుస్తోంది. ఇందులో కుల సమస్యలను ఈ చిత్రంలో చర్చిస్తున్నట్టు సమాచారం. పరువు హత్యల నేపథ్యంలో తెరకెక్కుతున్న ఈ సినిమాలో తెలంగాణ ప్రాంతానికి చెందిన వారీగా చైతూ, సాయి పల్లవి నటిస్తున్నారు.
ఇప్పటికే ఈ సినిమా పోస్టర్స్ , టీజర్ విడుదలై ఆకట్టుకుంటున్నాయి. ఇక తాజాగా సినిమాకి సంబంధించిన న్యూస్ ఒకటి ఇండస్ట్రీలో బాగా హాట్ టాపిక్ అవుతోంది. అదే ఈ సినిమాలోని క్లైమాక్స్. సాడ్ ఎండింగ్‌తో హృదయాలను పిండేసే క్లైమాక్స్ సీక్వెన్స్‌ను శేఖర్ కమ్ముల ఈ సినిమాలో రాసుకున్నారని తాజా సమాచారం.
నాగచైతన్య పోషించిన హీరో పాత్ర చనిపోగా.. అతని జ్ఞాపకాలతో సాయి పల్లవి పోషించిన పాత్ర జీవితాన్ని కొనసాగిస్తుందట. ప్రేక్షకులతో కంటతడి పెట్టించే ఎన్నో భావోద్వేగ సన్నివేశాలు ఈ సినిమాలో ఉన్నాయని సోషల్ మీడియాలో టాక్ వస్తోంది. తెలంగాణ పల్లెల నుంచి వచ్చి హైదరాబాద్‌లో మంచి కెరీర్ కోసం చూసే ఓ అమ్మాయి, అబ్బాయి మధ్య జరిగే ప్రేమకథగా ఈ సినిమాను తెరకెక్కిస్తున్నాడు శేఖర్ కమ్ముల.
