ఇటీవ‌ల రాజ్ కుమార్ రావు, వ‌రుణ్ శ‌ర్మ, జాన్వీ క‌పూర్‌లు రూహీ అనే చిత్రంలో న‌టించారు. ఈ మూవీ విడుద‌ల‌కు సిద్ధంగా ఉంది. ఈ నేప‌థ్యంలో ప్ర‌మోష‌న్ల‌లోనూ వేగాన్ని పెంచింది చిత్ర యూనిట్. ఇప్ప‌టికే ఈ మూవీ ట్రైల‌ర్‌తో పాటు పాట‌లు ఆక‌ట్టుకుంటున్నాయి. కాగా మూవీ ప్ర‌మోష‌న్ల‌లో భాగంగా బ్రైడ్స్ ఇండియా మ్యాగ‌జైన్‌తో ముచ్చ‌టించిన జాన్వీ.. పలు ఆస‌క్తిక‌ర విష‌యాల‌ను పంచుకున్నారు.
ఈ క్ర‌మంలో తన పెళ్లి గురించి కూడా జాన్వీ మాట్లాడారు. ''నా పెళ్లికి సంబంధించి నాకు ఒక క్లియ‌ర్ పిక్చ‌ర్ ఉంది. నాకు తిరుపతిలో పెళ్లి చేసుకోవాల‌ని ఉంది. అందులో స‌న్నిహితులు మాత్ర‌మే ఉండాలి. నేను కాంచీవ‌రం చీర‌ను ధ‌రించి, బంగారం పెట్టుకొని, నా త‌ల‌లో పూల‌ను పెట్టుకోవాలి. నా భర్త లుంగీలో ఉండాలి. ఆ త‌రువాత మేమిద్ద‌రం అరిటాకులో భోజ‌నం చేయాలి. నాకు ఇష్టమైన వాడితో తిరుమల వెంకన్న ఆలయంలో నా పెళ్లి జరగాలి" అని అన్నారు.
