గత రెండేళ్లుగా ఫ్లాపుల్లో వుండొచ్చు కానీ.. విజయ్ నిజంగా సెన్సేషన్ ఆఫ్ టాలీవుడ్ అనే చెప్తున్నారు.. సినీ పండితులు. గీత గోవిందం, అర్జున్ రెడ్డి సినిమాలో అదరగొట్టిన విజయ్ దేవర కొండకు మే 9న అంటే ఈ రోజు పుట్టిన రోజు. 30 ఏళ్లు పూర్తి చేసుకుని.. 31లోకి వెళ్తున్నాడు విజయ్ దేవరకొండ.
నాలుగేళ్ల క్రితం విజయ్ ఎవరో ప్రేక్షకులకు తెలియదు. కానీ ప్రస్తుతం దక్షిణాది టాప్ సెలబ్రిటీస్‌లో ఒకడిగా మిగిలిపోయాడు. 30 ఏళ్ల కంటే తక్కువ వయసు ఉండి పోర్ట్స్ లిస్టులో టాప్ 30లో చోటు సంపాదించుకున్నాడు విజయ్ దేవరకొండ. పెళ్లి చూపులు, అర్జున్‌రెడ్డి, గీతగోవిందం వంటి సినిమాలతో యువతలో మంచి క్రేజ్ సంపాదించుకున్నాడు విజయ్ దేవరకొండ.
పెళ్లి చూపులు సినిమాలో తొలిసారి గుర్తింపు తెచ్చుకున్న విజయ్ దేవరకొండ.. ఆ తర్వాత అర్జున్ రెడ్డి సినిమాతో స్టార్ అయిపోయాడు. గీత గోవిందం, టాక్సీ వాలా, మహానటి, సినిమాలతో సూపర్ స్టార్ అయిపోయాడు విజయ్ దేవరకొండ.
